Nagapreparar na sa paghanas ang Filipino pole vaulter nga si EJ Obiena bilang paghanda sa iya pagbalik sa outdoor season, nga ginalauman maga-umpisa sa Hunyo.
Suno kay Obiena, ginpili niya nga ipaiway ang pagpasakip sa una nga mga kompetisyon agud may bastante nga tion para mabalik ang iya porma kag makasulod liwat sa mataas nga ranggo sang world pole vault.
Gikan sa anay world No. 2, nagnubo sa ika-12 nga pwesto ang Filipino pole vaulter, apang determinado ini nga makabawi sa palaabuton nga mga torneo.
Suno sa iya adviser nga si Jim Lafferty, target ni Obiena amo ang mag-intra sa pila ka mga kahiwatan sang Diamond League subong nga tuig.
Nagalaum ang kampo ni Obiena nga paagi sa anum ka semana nga wala untat nga paghanas, mabawi niya ang iya dati nga porma kag liwat nga makigkompetensya sa pinakamayad nga mga athleta sa kalibutan.
