-- ADVERTISEMENT --
Napaslawan ang Filipino pole vaulter nga si EJ Obiena nga makasulod sa finals sang 2025 World Athletics Championship sa Tokyo, Japan.
Si Obiena nakalab-ot lamang sang 5.55 metros kag nakatapos sa ika-18 nga pwesto, nga nagtabla kay Matej Ščerba sang Czechia kag Oleksandr Onufriyev sang Ukraine.
Sa una nga pagtinguha, nalaktawan sang Philippine shot putter ang starting height nga 5.40 metros kag gilayon nga nalampasan ang 5.55 metros.
Apang, napaslawan siya sa duha ka pagtinguha sa 5.70 metros kag ginpili nga laktawan ang katapusan nga kahigayunan nga magtinguha sa 5.75 metros.
Matandaan nga nakakuha sang duha ka medalya si Obiena sa nagligad nga mga edisyon sang torneo isa ka bronze sang 2022 kag silver sang tuig 2023.
-- ADVERTISEMENT --
