Nagpasalig ang isa ka Filipino scientist, sa publiko nga wala sang dapat kahadlukan sa mga robot kag artificial intelligence (AI), bangud ini ang tuyo nga mangin mahapos ang trabaho.
Suno kay Causo, ang amo nga mga pag-uswag magahimo sang pila ka mga trabaho nga indi na kinahanglanon.
Dugang pa niya, kinahanglan batunon ang realidad nga ang pila ka mga trabaho madula, apang ang mga tawo indi madula. Kon ang robot automation matabo, ang pila ka mga trabaho madula bangod ina nga mga buluhaton pagahimuon sang mga robot.
Nahibaluan nga si Causo isa ka developer sang Connected Unified Autonomous Technologies and Robotics (CUATRO) Program, nga ginapondohan sang Department of Science and Technology (DOST), nga nagatinguha sa pagbulig sa mga micro, small, kag medium enterprises nga maga-adopt sang robotics kag automation sa ila mga operasyon.
Pahayag pa sang natungdan, ang makabag-o nga teknolohiya, kon gamiton sang mga negosyo, makabulig sa ila sa pinaagi sang pagpauswag sang ila kapasidad, kag makahimo sang dugang pa bisan pa nga may pareho nga kadamuon sang input.
