MANILA, Philippines – Nakabaton sang duha ka Grand Awards kag apat ka Special Awards ang mga Filipino student researchers sa Regeneron International Science and Engineering Fair 2026 nga ginhiwat sa Phoenix, Arizona.
Lakip sa duha ka Grand Awards kag apat ka Special Awards ang nakuha sang mga Filipino nga estudyante nga researcher sa nagkalain-lain nga kategorya sang science kag innovation category sa global science fair nga ginhiwat sang Mayo 9 tubtob 15, 2026.
Ginkilala ang mga estudiyante nga ginpasidunggan nga sanday Nathan Andrew P. Canilao, Pierre Phoella G. Ilagan, kag Asher John G. Garcia sang Angeles City Science High School nga nakakuha sang 2nd Grand Award sa Energy: Sustainable Materials and Design category, nga may $2,400 bilang cash prize, sa proyekto nga WinDTurbinePower.
Ang nasambit nga grupo nagdaog man sang “Third Prize Special Award for Excellence in Energy and Environmental Stewardship”, nga may $2,000 cash prize sa giya ni Coach Lolita G. Bautista.
Samtang nakabatonn namn sang awards sanday Jose Rafael Cayabyab, Cassandra Lipango, kag Eirah Riduca sang Quezon City Science High School nga nagdaog sang 3rd Grand Award sa “Software Design category for ViSMo, nga isa ka AI-integrated vital status monitoring robot equipped nga may Internet of Things features.
Ang nasambit nga grupo nakabaton man sang “Arizona State University Scholarship Award sang Society for Science Alumni Award”, sa giya ni coach Genevieve Vasquez.
Nagdugang man sa ginpasidunggan si Charly David Manuel sang Alaminos City National High School sa Physics kag Astronomy category matapos niya mabaton ang Patent and Trademark Office Society First Prize Award, nga may $500 cash prize sa idalom sang pag mentor ni Cristhopher Dela Cruz.
Nahibaluan nga ang team sang Pilipinas ginlakipan sang 16 ka learner-researchers nga ginpili nagikan sa top individual kag group projects sang 2026 National Science and Technology Fair nga ginhiwat sang Marso antes magpadayon sa Regeneron ISEF 2026.
Sa karon ginkabig naman ni Education Secretary Sonny Angara, nga nagapakita ini nga kaya makigkompetensya sang mga Filipino estudiyante sa international level kun may insakto nga suporta kag oportunidad.
