Ginpirmahan na ni Finance Secretary Frederick Go ang resolusyon sa pagsuspinde sang excise tax sa LPG kag kerosene.
Ini kadungan sang budget hearing sang Department of Finance sa Senado, matapos ang panawagan ni Senator Bong Go sa pagsuspinde sang fuel excise taxes bangod sa conflict sa Middle East.
Apang, wala pa sa plano ang gobyerno nga suspendihon ang excise tax sa diesel kag gasolina bangod mahimo ini magresulta sa ginabulubanta nga P12 billion nga pagkalugi sang kita sa kada bulan.
Sa baylo, ipadayon sang gobyerno ang targeted subsidies agod mabuligan ang mga apektado sang pagsaka sang presyo sang krudo.
Suno sa TRAIN Law, may excise tax nga P3 kada kilo sang LPG kag P5 kada litro sang kerosene, nga mahimo suspendihon tubtob tatlo ka bulan kun maglab-ot sa ginapatuman nga presyo ang Dubai crude.
