Nagpaandam ang Financial Stability Coordination Council (FSCC) sa madasig nga pagtimbuok sang utang sang mga Pilipino kon ipaanggid sa ila nga kita.
Sandig sa ila 2025 nga data, ginpahayag sini nga nagtubo sang average nga 15.7% kada tuig ang retail loans halin sang 2021 tubtob 2025.
Samtang naglab-ot naman sa 27.7 % ang pagtaas sang unsecured loans kaangay sang credit card kag salary loans.
Suno sa konseho, ang padayon nga pagtaas sang unsecured consumer debt mahimo nga makapaluya sang ikasarang sang mga pamilya sa pag-agwanta sang mga economic shocks kon indi ini mapunggan.
Apang, nagapabilin nga manageable ang mga risgo bangod sang mas estrikto nga pagdumala sang credit risk management sang mga bangko kag ang padayon nga pagbayad sang kalabanan nga mga manugpautang.
