Naglab-ot sa P35.3 trillion ang kabilugan nga resources sang Philippine financial system tubtob sa katapusan sang Oktubre, sandig sa una nga datos sang Bangko Sentral ng Pilipinas (BSP).
Mas mataas ini sang 6.8 percent kun ipaanggid sa P33.08 trillion sang tinalikdan nga tuig kag nalapawan na man ang full-year figures sang mga tinalikdan nga tuig.
Pinakadako nga bahin sang resources ang hawid sang mga bangko nga naglab-ot sa P29.21 trillion, kun sa diin nagapanguna ang universal kag commercial banks.
Nagtaas man ang assets sang thrift banks, digital banks, kag rural kag cooperative banks.
Samtang, nagsaka sa P6.1 trillion ang resources sang non-bank financial institutions, nga ginakalakipan sang financing firms, pawnshops, kag iban pa nga BSP-supervised entities.
