-- ADVERTISEMENT --
ROXAS CITY – Naglab-ot sa 14 ka mga kaso sang firecracker related injuries ang narekord sang Provincial Health Office (PHO) sa probinsiya sang Capiz.
Suno kay Mr. Ayr Altavas, tagpamaba sang PHO nga pinakamadamo nga nabiktima sang palupok nga whistle bomb nga nagalab-ot sa lima, apat ang boga kag tag isa sa piccolo, kwitis kag camara.
Kadam-an sa mga nabiktima ang naga-edad sang anum tobtob 66-anyos sa diin isa ang ang babae kag 13 ang mga lalaki.
Kung ikumpara ang datus sang 2016 nagnubo sang 75 porsyento ang mga kaso sang firecracker related injuries sang nagligad nga tuig 2017 nga naglab-ot sa 55.
