Fishing Boat naubon sa kalalawran nga sakop sang Pilar; apat ka mangingisda naluwas

ROXAS CITY – Natigayon nga maluwas sang katapo sang Capiz Provincial Bantay Dagat ang apat ka mga mangngisda, matapos ginapahayag naubon ang ginasakyan sini nga fishing boat sa banwa sang Pilar.

Sa impormasyon nga nakuha sang Bombo Radyo sa lugar, ginkilala ang mga biktima nga sanday alyas “Josh”, alyas “Jay” lunsay 21-anyos, alyas “Den” 18-anyos kag alyas “Le” 38-anyos nga lunsay mga residente sang Barangay Binaobawan, Pilar Capiz.

Mahibaluan nga samtang nagapangisda ang mga biktima hinali na lamang gin-igo sang dalagko nga balud ang ila baruto rason nga naubon ini.

Sa karun, yara na sa hilway nga kahimtangan ang mga nasambit nga persona.