-- ADVERTISEMENT --
Ginkondenar ni Senate President Pro Tempore Sherwin Gatchalian kag gintawag niya nga “bogus” nga flood control hearing sang grupo ni Sen. Alan Peter Cayetano.
Suno kay Gatchalian, nagapili ang Cayetano bloc nga indi magtambong sa opisyal nga sesyon pero nagahiwat sang indi otorisado nga hearing.
Nagapangabay man ini nga respetuhon ang mga rules kag ang liderato sang Senado.
Suno naman kay Sen. Erwin Tulfo, ang amo nga hearing isa lang ka “press conference.”
Samtang, ginbatikos ni Sen. Ping Lacson si Cayetano kag gintawag siya nga “disgusting” matapos madalahig sa isyu sang flood control scandal.
-- ADVERTISEMENT --
