PANITAN, CAPIZ- Ginakabig nga isa ka palpak nga proyekto ang flood control nga napahamtang partikular sa Barangay Balatucan, Panitan, Capiz.
Sa interview sang Bombo Radyo kay Punong Barangay Lesita Demalata sang amo nga lugar, ginpahayag sini nga umpisa nga nagpungko sya bilang Punong Barangay, ginpalab-ot na niya sa alkalde sang banwa ang ginkabalak-an nila nga natiphag nga bahin sang amo nga flood control project.
Apang, gintuad sa iya sang alkalde nga napalab-ot naman ini sa mga natungdan kag ginahulat nalang ang aksyon.
Nahibaluan nga ang amo nga flood control project ang gintukod pa sang tuig 2022, tyempo nga indi pa ini ang Punong Barangay sang amo nga lugar.
Pahayag pa ni Demalata, dako nga ginakabalak-an nila amo ang posibilidad nga mag-awas ang tubig sat ion nga magkusog ang pag-inulan.
Samtang, ginahulat namanlang nila ang aksyon sang mga natungdan kag nagapabilin sila nga aligmat kag alerto tuga sang dala nga peligro sang amo nga flood control project.
Interviewed by Bombo Jessa Mae Siman De Los Santos
