Wala pa matapos ang ginapatigayon nga flood control project sa Barangay Tico, Panay, Capiz, nga padayon nga ginakabalak-an sang mga residente ilabi na sa tion sang mabaskog nga ulan.
Sa interview sang Bombo Radyo kay Punong Barangay Anthony Villaraiz,sang Brgy. Tico, iya ginpahayag nga nagalaum sila nga mapadasig ang pagkompleto sang proyekto agud malikawan ang mas grabe nga pagbaha sa ila lugar.
Suno sa iya, ginapangabay sang mga residente nga hatagan sang prayoridad ang nasambit nga proyekto bangud dako ini nga bulig sa pagpamenos sang baha kag pagpanalipod sa ila komunidad.
Dugang pa ni Villaraiz, padayon ang ila koordinasyon sa nagakaangay nga ahensya sang gobyerno agud masiguro nga matapos ang proyekto kag maproteksyunan ang kabuhi kag pangabuhian sang mga pumuluyo.
