-- ADVERTISEMENT --
ROXAS CITY -Pila ka mga noodles kag diaper nga nasulod sa mga karton ang nasunog sang nagkalayo ang fluorescent lamp sa Mercury drug store sa San Roque St., sining syudad sa atubang sang isa ka daku nga mall sini nga aga.
Ginpahayag ni FO1 Don Anthony Falcis, tagpamaba sang Roxas City Fire Station nga nagpanawag sa ila talatapan ang security guard nga si Dante Baldisimo, nga gilayon man ginrespondihan sang mga bombero.
Apang antes pa nakalab-ot ang mga bombero sa lugar, napalong na ang kalayo bangud sa pagbinuligay sang mga empleyado sang nasambit nga botika gamit ang tatlo ka fire extinguisher sang botika.
