Nagnubo sang 30% ang focused crimes sa Western Visayas sa una nga duha ka semana sang Setyembre 2026, kon ipaanggid sa pareho nga period sang tuig 2025.
Sa interview sang Bombo Radyo kay PMAJ Lailyn Sencil, spokesperson sang PRO 6, iya ginpahayag nga nagnubo ang pila ka kaso, lakip ang homicide sang 33.33%, physical injury 23.52%, rape 27.77%, robbery 38.46%, kag theft 36.36%. Wala naman sang pagbag-o sa kaso sang murder.
Suno kay Sencil, ginakabig nga resulta ini sang padayon nga estratehiya kag mga tikang sang kapulisan sa pagprevenir sang kriminalidad.
Dugang pa niya, dako nga bulig ang impormasyon nga ginahatag sang mga pumuluyo sa pagpatuman sang mga kampanya kontra krimen.
Ginpahayag man sang kapulisan ang ila pagpasalamat sa suporta sang publiko kag gin-agda ang tanan nga magpadayon sa pagbantay kag pagsunod sa mga safety measures
