-- ADVERTISEMENT --
Ginpahanugotan na sang Manila Trial Court nga makapyansa si anay Negros Oriental Rep. Arnolfo “Arnie” Teves Jr. may kaangtanan sa iya kaso nga murder.
Suno kay Atty. Ferdinand Topacio, legal counsel ni Teves, nagabalor P120,000 ang pyansa nga gin-set sang korte.
Ang murder case ni Teves ang may kaangtanan sa kamatayon ni Lester Bato, isa ka bodyguard ni Basay mayoralty candidate Cliff Cordova sang Mayo 2019.
Pahayag pa sang abogado, ang desisyon sang Manila Regional Trial Court nagapakita lang nga mahina ang mga kaso batok sa former congressman bangud lunsay pamulitika lamang.
Apisar sini, indi pa gihapon makagwa sa presohan ang anay mamalidha bangud ginahulat pa ang duha ka desisyon sa petisyon nga makapyansa sa iban nga mga kaso ni Teves.
-- ADVERTISEMENT --
