-- ADVERTISEMENT --
Nagpadayon ang implementasyon sang Walang Gutom: Food Stamp Program sang National Government pinaagi sa Department of Social Welfare and Development.
Subong nga adlaw, nakabaton sang ayuda nga nagalakip sang mga pagkaon ang mga food poor beneficiaries nga gin-identify sang DSWD kag Philippine Statistics Authority sa Roxas City.
Luyag sang programa nga mabuligan ang mga benepisyaryo nga pamilya sa ila adlaw-adlaw nga panginahanglan sa pagkaon, samtang nagahatag man sang dugang nga merkado para sa mga mangunguma kag mangingisda pinaagi sa pagbaligya sang ila lokal nga mga produkto.
Kabahin ini sang tikang sang gobyerno sa pagbulig batok sa gutom kag sa pagsuporta sa local government.
