Nakakuha sang atensyon ang video ni Senador Ronald “Bato” Dela Rosa kaupod ang iya abogado nga si Atty. Israelito Torreon sa isa ka mall.
Makit-an sa video, nga nagasuksok lamang sang shorts kag t-shirt ang senador nga malayo sa iya kinaandan nga pormal nga panuksukon bilang isa ka mamalidha.
Samtang, indi pa maathag kun sa diin kag san-o ginkuha ang nasambit nga footage nga nakakuha sang nagkalain-lain nga reaksyon gikan sa publiko.
Ang iban nagpabutyag sang suporta, samtang ang iban naman ginpakamalaut siya kag naghangkat sa mamalidha nga mag-atubang.
Nahibaluan nga si Atty. Torreon ang legal counsel ni Dela Rosa may kaangtanan sa mga isyu sa ginaalegar arrest warrant gikan sa International Criminal Court (ICC) batok kay Dela Rosa.
Matandaan,nagtuhaw ang balita nga posible mangin target siya sang ICC bangud sa papel sini sa war on drugs sang Duterte administration.
Bangud sini, temporaryo nga wala nagatambong sa sesyon sang Senado si Dela Rosa bilang paghalong.
Suno sa iya kampo, wala pa sang pormal nga warrant gikan sa ICC kag nagapadayon ang legal nga pagtuon sa nasambit nga isyu.
