Football players sang team Negros kag Capiz dyutayan magrambol sa football field

ROXAS CITY – Dyutayan lamang magrambol ang mga football players secondary boys sang team Negros kag Capiz sa football field sang Villareal Stadium, sa syudad sang Roxas sa nagaapadayon nga Western Visayas Regional Athletic Association (WVRAA) meet 2019.

Ini matapos nagkainitan ang magtimbang nga bahin, bangud sunod sunod ang mga players sang Capiz nga na-injured.

Nagaguwa nga kasubong ginabasol sang team Capiz ang mga players sang team Negros sa nagakahinabo sa ila mga kaupdanan.

Maayo na lamang kag madasig ang mga coaches sang duha ka hubon nga gilayon nagpatunga rason nga napunggan ang rambol.

Ginpa-intiende man sang mga tournament officials ang duha ka hubon nga kabahin sang nasambit nga hampang ang mangin pisikal kun kaisa.