ROXAS CITY – Nagpatuman sang forced evacuation sa mgaresidente nga gikan sa mga coastal barangays sa duha ka banwa sa probinsiya sang Capiz bangud sa bagyo Tisoy.
Personal nga ginpangunahan ni Mayor Receliste Escolin sang banwa sang President Roxas, Capiz ang forced evacuation matapos ginpaidalum na sa signal number 2 ang probinsiya.
Suno kay Mayor Escolin nga ginpatuman ang forced evacuation sa mga coastal barangays sa banwa sang President Roxas para masiguro ang kaluwasan sang mga residente.
Temporaryo nga naga-estar sa mga evacuation centers ang mga gin-evacuate nga mga residente.
Samtang nagpatuman man sang forced evacuation sa mga coastal areas sa banwa sang Pilar, Capiz, matapos nga ginmandu ni Mayor Arnold Perez ang pag-evacuate sa mga residente.
Sa pihak nga bahin may 25 ka mga stranded passengers sa Banica wharf matapos nga kanselahon ang biyahe sang mga sakayan pandagat.
