Nagsaka ang foreign-currency-denominated loans nga gintan-ay sang mga bangko sang 0.9 percent sa second quarter sang tuig.
Sa datos nga ginpaguwa sang Bangko Sentral ng Pilipinas (BSP), ang foreign currency deposit unit (FCDU) loans ang naglab-ot sa USD15.93 billion, nagsaka halin sa USD15.78 billion sa una nga quarter. Year-on-year, ang FCDU loans ang nagsaka sang 1.9 percent.
Ang FCDU loans amo ang foreign currency-denominated loans nga gintan-ay sang FCDUs sang local banks ukon local branches sang foreign banks nga ginpasugtan sang BSP nga mag-intra sa foreign currency transactions.
Ang nasambit nga mga pautang ang nagasuporta sa economic activities nga nagakinahanglan sang foreign exchange, kaangay sang importers, mga negosyo, kag indibidwal nga may foreign currency transactions.
Sa kabilugan nga outstanding loans, 63.5 percent ukon USD10.12 billion ang gintan-ay sa Philippine-based borrowers, samtang ang nabilin ang nagkadto sa non-residents.
Ginsiling sang BSP nga ang mga nagapanguna nga Philippine-based borrowers ang ginakalakipan sang merchandise and service exporters, towing, tanker, trucking, forwarding, personal and other industries, kag power generation companies.
Kadam-an sa mga pautang amo ang medium- to long-term, nga may maturities nga isa ka-tuig.
Samtang, ang mga deposito sa FCDUs ang nagsaka sang 10 percent sa USD60.67 billion halin sa USD55.16 billion sang tinalikdan nga tuig.
