Nagtaas sang 81% ang external debt service burden (DSB) sang Pilipinas sang Enero 2026, naglab-ot sa $1.51 billion halin sa $831 million sang tinalikdan nga tuig, suno sa Bangko Sentral ng Pilipinas (BSP).
Base sa datos, dako nga rason sang pagtaas ang pagtimbuok sang principal payments nga naglab-ot sa $760 million halin sa $88 million sang tinalikdan nga tuig, samtang nagsaka naman sang gamay ang interest payments sa $745 million.
Bangud diri, mas naglala man ang debt-servicing ratios sang pungsod, kun sa diin mas dako nga bahin sang income halin sa exports kag foreign inflows ang nagkadto sa pagbayad sang utang.
Nagtaas man ang kabilugan nga external debt sang pungsod sa $147.651 billion sang katapusan sang 2025 halin sa $137.628 billion sang 2024.
