Foreign investments sang Pilipinas, nagnubo sang 26.5% sa una nga apat ka bulan sang 2026

Nagnubo ang net inflows sang foreign direct investments (FDI) sa Pilipinas sang 26.5% sa sulod sang una nga apat ka bulan sang 2026.

Suno sa data sang Bangko Sentral ng Pilipinas (BSP), ang numero nagnubo sa $1.97 billion sa sini nga panahon gikan sa $2.68 billion nga narekord sa tunga-tunga sang Enero kag Abril 2025.

Samtang, ang reinvested earnings nagnubo man sang 14% sa $285 million.

Sa pihak sini, nagtaas man sang 53.7% ang net equity investment sa $464 million, kon sa diin kalabanan sang mga pamuhunan naghalin sa Japan, USA kag Singapore.

Ang kalabanan sang mga investment nagkadto sa mga sektor sang manufacturing, real estate, financial kag insurance services.