Foreign portfolio investments sa Pilipinas, nagsarurot sa 91% sang Hulyo

‎Nagsarurot ang foreign portfolio investments sa Pilipinas kon sa diin nakarekord lamang sang net inflow nga $66.47 million sang Hulyo, mas manubo sang 91% kon ipaangid sa $742.56 million nga narekord sa amo man nga bulan sang nagligad nga tuig.
‎
‎Base sa preliminary data gikan sa Bangko Sentral ng Pilipinas (BSP), mas manubo man sang 60.9% ang numero sang Hulyo kon ipaanggid sa $170.12 million nga net inflow sang Hunyo.
‎
‎Nagnubo man ang kabug-usan nga pagsulod sang foreign funds sang 4.1% sa $2.37 billion.
‎
‎Kadam-an sa mga pondo nga naggwa halin sa mga securities kag shares sang gobyerno nga nalista sa Philippine Stock Exchange .