ROXAS CITY – Dead on arrival sa ospital ang isa ka foreman matapos nga na-trap sa narumpag nga gina-construct nga Groto sa Barangay Garcia, Tapaz, Capiz.
Ginkilala ang biktima kay Julito Vitudio Villaruz, 57-anyos kag residente sang Sitio Inongihan, Barangay Camangahan, Bugasong, Antique.
Sa impormasyon nga nakuha sang Bombo Radyo sa Tapaz MPS, ginreport ni Eva Agting nga na-trapped ang iya gin-hired nga foreman sa aksidente narumpag nga ginakaayo nga concrete Groto.
Natigayon man suno diri nga makuha ang lawas sang foreman, sang duha sini ka mga helpers, apang gindeklarar sang doctor sa Tapaz District Hospital nga patay na sang ginpadangat ang biktima.
Nag-angkon sang kapilasan sa magkatuhay nga parte sang iya ang lawas ang nasambit nga foreman.
Sa karon, yara na ang bangkay sini sa isa ka punerarya sa nasambit nga lugar.
