ROXAS CITY – Gindala na sa talatapan sang Bureau of Jail Management and Penology (BJMP) Roxas City Jail sa Barangay San Jose, Roxas City si Lourdes Bulaquiña Baarde 43-anyos sang Barangay Baybay sining siyudad nga ginbansagan nga FOREX investment scam queen sa Capiz.
Ini matapos nga ginserbihan ini sang warrant of arrest sa kaso nga Syndicated Estafa.
Ang warrant of arrest batuk kay Baarde ang ginpirmahan kag ginpapanaog ni Hon. Jennie Ann T. Logronio, Presiding Judge of MTCC 6th Judicial Region Branch 1, Roxas City nga petsado sadtong Hulyo 14, 2020 sa kaso nga estafa.
Wala naman sang ginrekomendar nga piyansa ang korte para sa temporaryo nga kahilwayan sang akusado.
Matandaan nga una na nga nadakpan sang mga kapulisan ang ginbansagan nga FOREX investment scam queen nga si Baarde kag Joel Domayan sang Quezon City.
