ROXAS CITY – Ginkompirmar sang anay miyembro sang rebelde nga grupo kag aktibista nga si Jeffrey Celiz ukon Alyas “Ka-Eric” nga madugay na nga “tactica” sang mga katapo sang New People’s Army (NPA) ang pagpanaog sa bukid ukon pag-evacuate sa ila mga lugar.
Sa interview sang Bombo Radyo Roxas kay Celiz iya ginpahayag nga ginahimo lamang ini sang mga pumuluyo bangud ang iban man sa ila mga miyembro sang NPA.
Suno kay Celiz nga ginahimo ini nila sa tion nga may yara sang presensya sang mga militar sa lugar.
Ginpahayag man sini nga nangin kaupod niya man anay ang napatay nga si Roy Giganto sang Tumandok sang miyembro pa ini sang rebelde nga grupo.
Dugang pa sini nga ang tanan nga mga naaresto kag napatay sa ginpatigayon nga operasyon ang miyembro sang rebelde nga grupo bangud ang iban diri ang nakaupod naman ni Celiz sa tion nga may yara sang patigayunon nga kalakasan sa nasambit nga banwa.
Ini bangud halos kadam-an sa mga naaresto kag napatay suno kay Celiz ang mga nagasuporta sa rebelde nga grupo, nagahupot sang mga armas luthang, granada kag iban pa nga mga eksplosibo.
Magluwas diri ginpahayag man ni Celiz nga madugay na nga lugar sang CPP-NPA ang pila ka mga barangay sa banwa sang Tapaz, Capiz kag Calinog, Iloilo.
Nagpanugyan naman si Celiz sa mga pumuluyo nga sa baylo suportahan ang mga NPA mas maayo na lamang nga magbalik sa sabak sang gobyerno pinaagi sa pagpahibalo sa mga opisyales sang banwa mangin sa gobernador sang probinsya.
