Sa sulod sang siyam ka tuig nga pagpungko ni Roderick Wamil bilang state auditor para sa Commission on Audit (COA) Intelligence and Confidential Funds Audit Office, si Vice President Sara Duterte amo lamang ang Bise Presidente sang pungsod nga nagpaidalom sa post-audit sang confidential funds.
Ginhatagan pagtamod ni Wamil nga wala nagpaidalum sa kaangay nga post-audit sanday anay Vice President Jejomar Binay kag Leni Robredo bangud wala sang appropriations para sa confidential funds sa ila tagsa ka termino.
Dugang pa ni Wamil nga sa tanan nga nagligad nga mga Secretary of Education, si Duterte lamang ang gin-audit nahanungod sa confidential funds, bangud ang mga nauna nga mga secretary ginreport nga wala sang access sa amo nga mga pundo.
Nahibaluan nga ang Office of the Vice President (OVP) ang naga-uyat sang P500 million nga confidential funds sa idalum ni VP Sara Duterte, samtang P112.5 million naman ang confidential funds sang Department of Education sa tion sang iya pagpungko bilang Secretary sini.
