Nagpositibo sa anti-depressant drug ang lawas sang nagtaliwan nga si anay Department of Public Works and Highways (DPWH) Undersecretary Maria Catalina Cabral.
Ini ang naggwa sa inisyal nga toxicology report sang Philippine National Police (PNP).
Sandig sa preliminary laboratory report nagikan sa PNP Regional Forensic Unit–Cordillera Administrative Region nga nagpositibo ini sa citalopram, isa ka sahi sang antidepressant drugs.
Ang nasambit nga bulong man ang isa sa mga narekober sang mga kapulisan sa ginpatigayon nila nga paghaluglog sa kuwarto sang hotel sa syudad sang Baguio.
Wala man sila sang may nakita nga ano man nga histopathological examination ukon terminal diseases sa lawas sang anay opisyal.
Una na nga ginsiling ni Interior Secretary Jonvic Remulla nga base sa inisyal nga pag-examine nila, nag-utas sang kaugalingon nga kabuhi ang anay DPWH official.
