Ginbuyagyag sang isa ka empleyado sang kontraktor nga SYMS Construction sa Sandiganbayan nga gin-alegar gindeliver nila ang P299 million nga cash nga gin-alegar ginbutang sa mga grocery boxes sa opisina ni Former Department of Public Works and Highways (DPWH) Assistant District Engineer Brice Hernandez.
Nagpamatuod ang witness nga ginkilala kay Monica Ocampo-Santos, isa ka liaison officer sang SYMS Construction nga ang nasambit nga kwarta ang gin-alegar para sa lima ka gobyerno nga infrastructure projects nga nakuha sang kompaniya gamit ang lisensya nga ginpahulam sa ila ni Hernandez.
Ginpahayag man ni Santos nga kabahin sang P299 million nga kantidad ang P74 million may kaangtanan sa ginaalegar ghost projects nga nagabalor sang P92.8 million sa Pandi, Bulacan.
Ginpakita man sini sa korte ang mga mensahe sang schedule sang delivery sang kwarta sa anay opisyal sang DPWH.
Dugang pa ni Santos nga pila ka mga opisyal sang DPWH lakip na si Hernandez kag iban pa nga district engineers ang principal sponsors sang iya kasal, nga ginpahayag ginhingyo man sang iya nga amo.
