Gin-ako ni Former Department of Public Works and Highways Usec. Roberto Bernardo nga duha pa ka mga opisyal sang ahensya ang ginhimo nga tulay agud makuha sa iya ang P130-million nga token of gratitude halin kay Former Ako Bicol party-list Representative Zaldy Co.
Sa iya una nga pagpakita bilang state witness sa Sandiganbayan Sixth Division, ginpahayag sini nga nakabaton siya sang P100-million share nga nagkadto kay Former Department of Public Works and Highways 1st District Engineering Office District Engineer Henry Alcantara, samtang ang dugang nga P30 million ang nagkadto kay Former Department of Public Works and Highways 4B Regional Director Gerald Pacanan.
Sang ginpamangkot siya ni Associate Justice Sarah Fernandez kun ano ang purpose sang nasambit nga kwarta, nagsabat si Bernardo nga tanda ini sang pagpasalamat sa matalunsay nga transaksyon kay Engineer Alcantara.
Nahibaluan nga gintunga ang pondo nga ginpaagi kay Alcantara sa P40 milyon sang 2023, P40 milyon sang 2024, kag P20 milyon sang 2025.
Samtang ang pondo naman nga nagkadto Kay Pacanan gintunga sa P10 milyon kada tuig sa amo man nga panahon.
Gin-athag ni Bernardo nga wala niya personal nga ginbaton ang kwarta, kundi ginpasa niya ini sa iya mga kabulig.
