Nagtambong sa plenary session sang House of Representatives si former House Speaker Martin Romualdez kag Leyte 1st District Representative Martin Romualdez sa pihak sang nagapadayon nga isyu may kaangtanan sa maanomaliya nga flood control projects.
Nahibaluan nga nakit-an nga aktibo nga nagtambong si Romualdez sa session sang kamara, kon sa diin gin-abi-abi ini sang pila ka mga kaupod niya nga mamalidha sa sulod sang plenary hall.
Sa pihak sang isyu nga ginahambalan, isa sa mga nagapanguna nga kasuguan nga iya ginaduso amo ang House Bill 8466 ukon ang National Land Use Act, nga gin-aprubahan na sa ikatlo kag katapusan nga pagbasa sang House of Representatives.
Katuyuan sang proposal nga magtukod sang isa ka komprehensibo nga plano sa paggamit sang duta sa pungsod agud mapasanyog ang seguridad sa pagkaon, mapaayo ang kahandaan sa kalamidad, kag masabat ang mga problema sa pabalay kag imprastraktura.
Suno kay Romualdez, ang nasambit nga proposal ang isa ka reporma nga nagatuyo nga isahon ang separado kag indi nagasantu nga mga polisa sa paggamit sang duta sa nagkalain-lain nga sektor.
