Liwat nga nagpakita si Former House Speaker kag Leyte first district Representative Congressman Martin Romualdez, umpisa sang nadalahig ini sa kontrobersiya sa flood control projects, pagkatapos nga personal nga nagbisita sa iya distrito sa Leyte, sa diin mainit siya nga gin-abi-abi sang mga lokal nga opisyal kag mga pumuluyo.
Sa iya paglibot, nakigkita si Romualdez sa mga pumuluyo kag lokal nga mga lideres sa mga banwa sang Santa Fe, Alangalang, kag Tolosa, Leyte.
Ang iya nga pagbisita, tuyo nga ipakita ang iya padayon nga pagpakig-angot sa iya mga pumuluyo sa tunga sang mga isyu nga iya gina-atubang.
Isa sa mga nagapanguna nga hilikuton sang pagbisita ni Romualdez amo ang pag-usisa sang mga proyekto nga ginpondohan paagi sa iya opisina. Sa banwa sang Santa Fe, Leyte, iya gin-usisa ang bag-o nga gintukod nga merkado sang banwa kag legislative building.
Samtang padayon nga ginabantayan sang publiko ang kontrobersiya may kaangtanan sa mga flood control projects, kon sa diin nadalahig ang pangalan ni Romualdez.
Apisar nga wala pa sang pinal nga resulta sang ano man nga imbestigasyon, ang isyu nagapabilin nga topiko sang paghinun-anon sa nagkalain-lain nga sektor.
Sa pihak sang isyu, ginpanindugan sang iya mga kaalyado nga ang pagbisita ni Romualdez sa ila distrito pamatuod sang iya padayon nga pagtutok sa serbisyo publiko kag sa kinahanglanon sang iya mga nasakupan.
