Ginpanginwala ni Former Kabataan Party-list Representative Raoul Manuel ang alegasyon sang mga ex-marines nga nagbaton ini sang maleta nga may unod nga kwarta.
Ini kasunod nga nalakip ang iya ngalan sa hearing sang Blue Ribbon Committee nga ginpangunahan sang Cayetano Bloc.
Sa interview sang Bombo Radyo kay Manuel, iya ginpahayag nga wala sang basehan ang alegasyon batok sa iya kag gintawag nga indi lihitimo ang alegasyon sang mga ex-marines.
Suno kay Manuel, sa amo nga tikang ginasaylo ang atensyon sang publiko kag punggan ang pagpadayon sang impeachment trial batok kay Vice President Sara Duterte.
Dugang pa sini nga ang mga tikang sang Cayetano Bloc may katuyoan nga proteheran ang reputasyon sang pamilya Duterte nga ginapatihan rason agud magtuhaw ang mga alegasyon nga wala sang kamatuoran.
Nagpanawagan man ini publiko nga intindihon maayo ang mga impormasyon nga ila ginabaton kag indi gilayon magpati ukon magpalapta sang wala pa napamatud-an nga impormasyon.
