CULASI, ROXAS CITY – Nagapanawagan ang former Barangay kagawad sang Culasi, Roxas City sa Department of Social Welfare and Development (DSWD) nga ihatag na ang cash assistance para sa mga naapektuhan sang baha sang nagligad nga bagyo Ramil.
Sa interview sang Bombo Radyo kay former Kagawad Edison Abella, iya ginpahayag nga malapit na sa tatlo ka semana ang nagligad apang wala sa gihapon sang may nabaton ang mga pumuluyo sang ila barangay.
Suno kay Abella, una na nga nakigsapol ang barangay council kaupod ang DSWD kag mga pumuluyo sang nasambit nga barangay nahanungod sa cash assistance.
Pahayag niya, gin-athag man sang barangay council nga nakasulod sa time frame ang 802 ka pamilya sa diin nagpasa man ang mga ini sang nagakaigo nga mga papeles .
Dugang pa sang natungdan, kuntani mabalikdan man sang Department of Social Welafre and Development ang mga pamilya sang Barangay Culasi kag maathag kun bala may mabaton pa nga cash assistance ang mga pumuluyo nga naapektuhan sang pagbaha.
Interviewed by: Bombo Jessa Mae Delos Santos via Bombohanay Bigtime
