-- ADVERTISEMENT --
Opisyal na nga nag-withdraw sa palaabuton nga Premier Volleyball League (PVL) Rookie Draft ang former National University (NU) standout nga si Alyssa Solomon nga pagahiwaton sa Hunyo 3.
Suno sa iya tagdumalahan nga Hustle and Groove Management, indi anay magsulod sa professional league sa pungsod ang paborito nga top pick overall agud tugutan siya nga makahampang sa Alas Pilipinas national team para sa palaabuton nga international tournaments.
Magluwas sa national team, may mga report man nga posible magbalik sa iban nga pungsod si Solomon matapos makarekord sang impresibo nga hampang para sa Osaka Marvelous sa Japan SV. League, kon sa diin ginbuligan niya ang team nga makalab-ot sa finals sang 2025-2026 season.
