Naghatag sang iya nga sentimiyento si former President Rodrigo Duterte nahanungod sa mga naobserbahan sini nga iregularidad sa pagpasar sang National Budget para sa tuig 2025.
Suno sa anay pangulo, ang pagpapasar sang National Budget nga halos “blangko” ang pila ka bahin ang ‘invalid’ kag wala dapat ginpasa umpisa pa lamang sang ini ang nag-abot sa kongreso para sa deliberasyon sini.
Nagpahanumdom man ang anay pangulo sa manubo nga panalgan nga ini kuntani ang pagatun-an kag insaktuhon liwat bangud ini ang wala nagasanto sa layi.
Nagakadapat lamang suno diri nga magpangayo sang paathag ang Kamara kun ngaa nag-abot ang budget sa ila opisina nga halos “blangko” bangud may gahom man suno pa kay Duterte ang kongreso nga kwestyunon kag pangayuan sang paathag ang nagplastar sang amu nga budget.
Una na diri, ginpanugyanan sang anay pangulo ang publiko nga tanan nga nahanungod sa budget para sa tuig 2025 ang dapat napaathag sa ila sang maayo kag ginklaro kun ano ang paggagamitan sang mga ini.
Samtang, indi man insakto suno diri nga pabay-an ang pila ka parte sang budget nga wala sang unod ukon blangko kag amu na lamang ang pagbutang kun san-o kinahanglan. Nakit-an man sang anay opisyal nga ini ang isa ka sahi sang anomalya kag paglapas sa kasuguan.
