Nagtaliwan na sa edad nga 60 anyos ang anay presidente sang Union of Drivers and Operators Associations Nationwide (Piston), George San Mateo.
Gin-anunsyo sang grupo nga napatay si San Mateo bangud sa atake sa tagipusuon sang Hulyo 25.
Kilala si Ka George bilang pangalan sang iya mga kaupdanan nga nagpakigbato sa gobyerno sa pagpatuman sang public utility vehicle modernization program (PUVMP) sadtong 2017.
Sa amo man nga tuig, gin-aresto siya bangud sang pagpanguna sa duha ka adllaw nga nationwide transport strike sa bug-os nga pungsod kag gin-abswelto sa kaso sang 2020.
Antes nangin lider sa transportasyon, isa siya ka drayber sa sulod sang pila ka dekada, nga nagsugod bilang isa ka drayber sang pamilya, kompanya sang pag-arkila sang salakyan kag bilang isa ka drayber sang taxi.
Sa iya pagkapamatan-on, nag-upod siya sa Kabataan para sa Demokrasya sa Nasyonalismo (Kadena) tubtub nga nangin chairman sang grupo sa Paranaque chapter sang 1985 kag nangin national spokesperson.
