Nagdesisyon si Former Presidente Rodrigo Duterte nga indi siya personal nga magtambong sa pagbasa sang verdict sang iya interim release appeal sa International Criminal Court (ICC).
Natalana nga basahon sang ICC Appeals Chamber ang panawagan sang anay presidente subong nga adlaw alas 5:30 sang hapon oras sa Pilipinas.
Ginpakita sang iya abogado nga si Nicholas Kaufman ang waiver nga ginpirmahan sang anay presidente sa paggamit sang iya kinamatarong nga indi magtambong sang personal sa pagbasa sang desisyon sa pag-apelar sang depense.
Bangud sini, ang iya abogado nga si Kaufman ang magarepresentar sa iya.
Matandaan nga nagapangatubang sang kaso nga crimes against humanity ang 80-anyos nga anay presidente bangud sang iya kampanya kontra iligal nga druga samtang siya pa ang Presidente sang Pilipinas.
