Indi na makadumdom si anay Presidente Rodrigo Duterte sang mga natabo, lugar, petsa, kag bisan ang mga myembro sang iya pamilya.
Ini ang nangin pahayag sang iya abogado nga si Nicholas Kaufman.
Ginatumod ini nga rason sa paghingyo sang kampo sang anay presidente sa International Criminal Court (ICC) nga i-postpone ang tanan nga hearing sa iya kaso.
Base sa public redacted version sang “Defense Request for an Indefinite Adjournment” nga ginpaguwa sang ICC sang Setyembre 11, ginpahayag ni Kaufman nga wala na sang bastante nga mental capacity si Duterte agud madepensahan ang iya kaugalingon.
Matandaan nga gin-isol sang International Criminal Court ang natalana nga hearing sa Setyembre 23 para sa kumpirmasyon sang mga panumbungon batok kay Duterte bangud “not fit to stand trial” ang anay presidente.
