Magaselebrar sang Paskwa si Former President Rodrigo Duterte nga wala ang iya pamilya.
Ini matapos nga gindumilian sang International Criminal Court (ICC) ang pagbisita kadungan sang putukputukan sang holiday season.
Ini nga impormasyon ang ginkumpirma sang iya anak nga si Veronica Duterte.
Suno sa iya, bag-o lang niya ini nahibaluan kag dismayado suno sa iya ang anay Presidente sang ginpahibalo nga indi sila makabisita sa iya sa tion sang paskwa kag bag-ong tuig.
Sa pihak sini, ginpahayag ni Kitty Duterte nga magapabilin sila sa guwa sang ICC detention facility kaupod ang iya iloy kag mga Filipino kag foreign supporters sang anay Presidente.
Nahibaluan nga nag-abot sa The Hague, Netherlands si Kitty Duterte sang Disyembre 19.
Suno kay Kitty Duterte, sang iya ginbisita ang ila amay, ok lang ini apisar nga wala ini sa “best state” kag indi na pareho sang una nga kabakod. Natapos ang ila pagbisita sa anay Presidente paagi sa pagpangamuyo.
