Matapos ang isa ka tuig, liwat nga nakit-an sang publiko si former President Rodrigo Roa Duterte kasunod sang pag-atubang sini sa International Criminal Court subong nga adlaw para sa pre-trial hearing angot sa mga argumento natuhoy sa iya ikaayong lawas kag ikasarang nga mag-atubang sa trial.
Ini ang una nga tion nga nakit-an siya sang publiko humalin sang gindala ini sa ICC.
Sa iya pag-atubang sa ICC courtroom, nagasuksok ini sang black suit kag white shirt.
Ang hearing nagtutok sa pagtapos sang mga timetable para sa pagpresentar sang mga testigo, pagbayluhanay sang ebidensya sa tunga sang duha ka partido, kag katapusan nga mga paghanda antes ang pormal nga pagsugod sang trial nga natalana sa Nobyembre 30, 2026.
Nahibaluan nga nagapangatubang si Duterte sang murder kag attempted murder charges kaangot sa iya maduguon nga drug war samtang nagapungko pa ini bilang alkalde sang Davao City kag sang nangin presidente na ini sang Pilipinas.
Sugod sang iya pagkadakop sang nagligad nga tuig suno sa isa ka mando sang korte, nagapabilin siya sa kustodiya sang ICC samtang padayon nga nagapanindugan ang iya defense panel sang iya legal kag medikal nga mga apelasyon.
