Nag-file sang counter affidavit si anay Presidential Spokesperson Harry Roque sa cyberlibel kag libel complaints ni anay Senador Antonio Trillanes IV.
Ginhinyo ni Roque sa Quezon City Prosecutor’s Office nga ibasura ang mga kaso nga libel ni Trillanes bangud sa kakulangan sang probable cause.
Nagsumiter man si Roque sang countercharge kontra kay Trillan bangud sa paglapas sini sa RA 3019 ukon “Anti-Graft and Corrupt Practices Act” kag RA 6713 ukon “Code of Conduct and Ethical Standards for Public Officials and Employees.”
Suno diri, ginpanginwala ni Trillanes ang salig sang publiko sadtong 2012 sa pagpakig-angut sini sa pila ka opisyal sang China.
Ginsaway man sini ang pagka-sensitive sang anay senador sa mga kritisismo sini bangud sa ginhiwat sini nga livestream nga may kaangtanan sa pampubliko nga interes kasubong sang soberanya nga kinahanglan diskusyunan sang mga Pilipino.
