Ginpasakaan liwat sang korte sa Dhaka, Bangladesh sang 21 ka tuig nga pagkapreso ang anay Prime Minister nga si Sheikh Hasina bangud sa mga kaso sang korupsiyon kag iligal nga pag-angkon sang duta para sa isa ka housing project sang gobyerno.
Ginmultahan man ini sang tig-100,000 taka sa kada kaso.
Lakip sa sentensya ang iya mga kabataan nga sanday Sajeeb Wazed Joy kag Saima Wazed Putul, nga ginpamatbatan sang tig-5 ka-tuig nga pagkapreso kag multa.
Ang nasambit nga mga duta ang kabahin sang Rajuk New Town Project sa Purbachal, nga isa ka suburb sang Dhaka.
Nahibaluan nga isa ka semana antes sini, si Hasina napamatbatan man sang kamatayon bangud sa crimes against humanity pagkatapos sang mapintas nga crackdown sa mga estudyante nga nagprotesta sang 2024.
Ang bag-o nga silot nagdugang sang kabug-aton sa iya madugay na nga pag-atubang sa mga kaso kriminal kag politikal.
