Ginpanindugan ni Former Punong Barangay Richard Baltar sang Barangay Aranguel nga ginhungod ni President Roxas Mayor Receliste Escolin ang pag-ula sa iya sang kape.
Sa interview sang Bombo Radyo kay Former Punong Barangay Baltar, iya ginpahayag nga routine na sini ang magpadulong sa balay-kapehan sa sulod sang merkado agud magpangape .
Suno kay Baltar, nagahulat ini sang iya order nga kape sang hinali lang ginaalegar gin-ulaan ini ni Mayor Escolin ang wala nga bahin sang iya nga tiil sang mainit nga kape.
Pahayag pa niya, nag-react ini kag gin-atubang ang si Escolin apang hinali na lang ini nga ginsumbag sang bodyguard sang alkalde.
Bangud sa insidente, apat ka tahi sa kilay ang na-angkon sini.
Sa subong, nagahulat na lang sang masunod nga tikang ang natungdan matapos ini nga magpa-blotter sa kapulisan.
