Ginalauman nga maga-atubang bilang testigo si anay Senador Antonio Trillanes IV sa impeachment trial ni Vice President Sara Duterte may kaangtanan sa alegasyon sang unexplained wealth sang bise presidente.
Suno kay House Deputy Speaker Paolo Ortega V, mangin importante nga bahin sang trial ang testimonya ni Trillanes bangud madugay na sini nga ginausisa ang finances sang pamilya Duterte.
Suno kay Manila Representative kag House prosecutor Joel Chua, ang pila ka bank transaction nga una nga gin-angot kay Trillanes sa tion sang impeachment deliberations sa House Committee on Justice nagguwa sa records sang Anti-Money Laundering Council ukon AMLC.
Gin-akusahan si Trillanes nga ang pila ka bank account deposits ang naghalin sa negosyo sang iligal nga droga.
Samtang, ginpahayag ni Chua nga sanday Representatives Terry Ridon sang Ako Bicol kag Chel Diokno sang Akbayan ang magapanguna sa pagpresentar sang ebidensya para sa Article II.
Kalakip man sa posible nga ipaatubang nga testigo ang representatives sang mga bangko.
