Liwat naman nga nakakuha sang kritisismo si Sen. Alan Peter Cayetano matapos ginpatutsadahan sini ang pila ka mga kaupod nga senador sa ginpatigayon sini nga Facebook Live kag fellowship lunch kahapon nga adlaw.
Sa iya pahayag, gintawag sini nga “tutoy sang Malacañang” si Senate President Pro Tempore Vicente Sotto III kag Senator Raffy Tulfo.
Samtang suno sa iya, si Sen. Erwin Tulfo ang “tutoy lang ni Sen.Ping Lacson,” nga ginaalegar may impluwensya sa iya.
Gintawag man niya nga daw “ido” si Senator Lacson bangud sang iya eksperyensya sa pulitika.
Matandaan nga nag-concede si Cayetano bilang Senate President matapos ang pagsaylo ni Sen. Joel Villanueva sa grupo ni Gatchalian nga nakatipon sang 13 ka mga myembro nga amo subong ang majority bloc.
Nagsabat naman si Senator Lacson sa pahayag ni Cayetano kag nagsiling nga makaluluoy ang anay Senate President bangud mga wala na pulos angnagaguwa sa iya bibig.
Gintawag naman ni Sotto nga uyang sa oras kun sapakon pa niya ang mga pahayag ni Cayetano.
