-- ADVERTISEMENT --
Gin-anunsyo ni Senador Jinggoy Estrada sa sesyon sang Senado subong nga adlaw nga si Chief Presidential Legal Counsel kag anay Senate President Juan Ponce Enrile ang yara subong sa intensive care unit (ICU) bangud sa pneumonia.
Suno sa senador, nagapanawagan ang pamilya sang pangamuyo para sa madali nga pag-ayo ni Enrile, nga kilala bilang isa sa pinaka dugay nga nagserbisyo sa kasaysayan sang politika sa Pilipinas.
Wala naman ginpahayag pa ni Estrada kon sa diin nga ospital gin-confine ang 101-anyos nga opisyal.
Nahibaluan nga si Enrile ang ulihi nga nagsirbisyo bilang Chief Presidential Legal Counsel ni President Ferdinand Marcos Jr., apisar sa iya edad nagapadayon sa gihapon sa serbisyo publiko.
