-- ADVERTISEMENT --
Indi na pag-ipresentar sang House prosecution panel bilang testigo si anay senador Antonio “Sonny” Trillanes IV sa impeachment trial ni Vice President Sara Duterte.
Ginpahayag ini ni Batangas Representative Gerville Luistro, lead prosecutor sang House prosecution panel, sa ika-32 nga adlaw sang impeachment trial.
Suno kay Luistro, nagdesisyon na ang prosecution panel nga indi pag-ipatawag ukon ipresentar si Trillanes bilang witness kag pinal na ini nga desisyon.
Wala naman ginpahayag ni Luistro ang rason kon ngaa ginpili sang prosecution panel nga indi na ipresentar si Trillanes bilang testigo sa impeachment trial.
