Ginhatagan pagtamud ni anay Senator Leila De Lima nga si anay Presidente Rodrigo Duterte ang mastermind sang extrajudicial killings (EJK) sa kampanya sini batuk sa ilegal nga droga.
Sa hearing sang House Committee on Human Rights ginpahayag ni De Lima nga wala sang duda nga si anay Presidente Duterte ang mastermind bangud siya ang imbestigador kag inducer sa drug war killings.
Si De Lima ang napreso sang anum ka tuig matapos nga pasakaan sang kaso kaangut sa ilegal nga droga apang ginhilway naman ini sa tatlo ka kaso nga ginpasaka sa iya.
Suno sa anay senador ang drug war ang isa ka opisyal nga programa sang gobyerno ni Duterte nga ginpatuman pamaagi sa Oplan Double Barrel, isa ka dokumentado nga plano sang Philippine National Police (PNP).
Suno sa anay senador ang mga tikang sa pagpatuman sang plano nga ini ang isa ka sistematiko nga pag-atake sa mga sibilyan kag kinahanglan nga ikabig nga crimes against humanity sa idalum sang international humanitarian law.
Ginpahayag ni De Lima nga ang drug war ang una nga ginpatuman ni Duterte sadtong ini sang mayor pa sang Davao City gamit ang Davao Death Squad (DDS).
