Pormal na nga gin-appoint ni President Ferdinand Marcos Jr. si Former Tourism Sec. Christina Garcia Frasco bilang Presidential Adviser for Sustainable and Resilient Communities, kasunod sang pila ka semana nga espekulasyon angot sa iya pagbiya bilang Secretary sang Department of Tourism.
Suno sa Malacañang, gintugyanan sang Presidente si Frasco nga pangunahan ang pagpabaskog sang pagpatuman kag padayon nga pagtuman sang prayoridad nga pungsodnon nga mga programa sa lebel sang komunidad, partikular sa mga lugar nga masami ginaigo sang mga kalamidad kag climate-related risks.
Kadungan sang iya bag-o nga papel, magaserbe bilang officer-in-charge sang Department of Tourism si DOT Undersecretary Verna Buensuceso agud mapasiguro ang padayon nga operasyon sang ahensya.
Ang pag-appoint kay Frasco natabo sa tunga sang mga kritisismo nga iya nabaton sa ginaalegar nga “self-promotion” sa tourism materials sang gobyerno, isa ka butang nga iya hugot nga ginpanginwala.
Sa pihak sang kontrobersiya, nagapabilin nga mataas ang pagsalig sang Presidente sa iya ikasarang rason nga gin-assign siya sa mas malapad nga papel nga gindedikar sa pag-establisar sang mga komunidad.
Sa bag-o nga posisyon, ginalauman nga mangin sentro si Frasco sa pagpatuman sang mga programa sa komunidad nga magaduso sang kalig-on kag magasustenir sang palangabuhian sang mga Pilipino.
